Nominimet për Çmimet e Vullnetarizmit të Vitit 2025 janë të hapura!

Kosova është plot me ndryshimtarë që përmirësimin e komunitetit e shohin si përgjegjësi personale, andaj, vlerësojmë se kontributi i gjithësecilit duhet nderuar e shpërblyer, sidomos kur përkushtimi vjen në formën e punës vullnetare.

Kjo kampanë e organizuar nga TOKA dhe mbështetur nga OJQ Gjethi, si Ambasador i Vullnetarizmit, ka synimi të njohim, të promovojmë dhe të zgjerojmë pjesëmarrjen në vullnetarizëm përmes Çmimeve të Vullnetarizmit të Vitit.

Kjo fushatë përfshin të gjithë të rinjtë, individët, komunat, shkollat, bizneset, përfaqësuesit e diasporës dhe figurat publike, të cilët kontribuojnë në komunitet në forma të ndryshme, me fokus të veçantë në kontributin përmes punës vullnetare.

Çmimet e Vullnetarizmit të Vitit janë të ndara në 2 kategori:
Secila kategori përfshin disa çmime.

Kategoria A: TË RINJTË, ka këto çmime për 4 të rinj:

1. Vullnetari/ja i/e Vitit
2. Vullnetari/ja Guximtar/e e Vitit
3. Vullnetari/ja më Kreativ/e e Vitit
4. Vullnetari/ja në Ngritje i/e Vitit

Afati për të nominuar për këto çmime të Kategorisë A është 30 shtator 2025. Për të parë më në detaje se çfarë përfshijnë këto çmime si dhe kushtet e procedurat e nominimit, klikoni në këtë link.

Kategoria B: PËRKRAHËSIT E VULLNETARIZMIT, ka këto çmime për këta hisedarë:

1. Biznesi më Përkrahës i Vitit
2. Komuna më Përkrahëse e Vitit
3. Përfaqësuesi/ja i/e Diasporës më Përkrahës/e i/e Vitit
4. Figura Publike më Përkrahës/e i/e Vitit
5. Vullnetari/ja me Kontribut Jetësor i/e Vitit

Afati për të nominuar për këto Çmime të Kategorisë B është 30 shtator 2025.

Për informata shtesë, kontaktoni në cmimetevullnetarizmit@toka-ks.org  apo +383 38 704 560.