“Promovimi i aktivizmit të gjelbër në komunitet” OMM Gjethi/KDI

Aktivizmi qytetar me fokus mjedisin më të gjelbër e më të pastër ishte aktiviteti i radhës nga OMM Gjethi. Kjo iniciativë e cila është nisur me qëllimin e fuqizimit të qytetarëve dhe komuniteteve lokale për angazhimin e tyre dhe ngritjen në një nivel tjetër të njohuritve për të drejtat e tyre. Kjo iniciativë filloi aktivitetin edhe ne komunën tonë në mesin e disa komunave të përzgjedhura për këtë çështje.

U identifikuan dy probleme specifike në mesin e shumë problematikave që të nxiten angazhimet për ngritjen e çështjeve të banorëve të cilët kanë probleme madhore mjedisore. Problemi i cili ende mbetet prioritet i qytetarit tonë si dhe prioritet deri në zgjidhjen e tij është edhe ndotja e Lumit Nerodime. Si problem tjetër është edhe zhurma dhe pluhuri i cili i pengon banorët e Lagjës së Qardakut ne Kaçanik të vjetër. Ankesat e banorëve u identifikuan dhe u bë një përmbjedhje e problematikës së operimit të një biznesi i cili për momentiniI pengon banorët dhe ja u ka vështirësuar jetën.

OMM Gjethi së bashku me KDI-në diskutuan që çështja e Nerodimes të kalojë në nivelin shtetërorë si problematikë dhe rast që kërkon angazhim të madh në nivelin shtetëror me palë interesi deri në zgjidhjen e tij.

“Promovimi i aktivizimit të gjelbër në komunitet” është një projekt i cili në komunën e Kaçanikut implementohet nga OMM Gjethi, kurse financohet nga KDI dhe mbështetet nga Fondi i Kombeve të Bashkuara për Demokraci UNDEF FUND.