Fillon puna e implementimit të mini parkut në qytetin e Kaçanikut tek lokacioni “Te Qami”

Fillon puna e implementimit të mini parkut në qytetin e Kaçanikut tek lokacioni “Te Qami”

Kompania me seli në Kaçank KIVO po financon implementimin e projektit të mini parkut “Te Qami ”. Punimet kanë filluar me datën 4 korrik 2023. Implementuesi I këtij projekti është OJQ OMM “Gjethi”.

Duke u nisur nga nevoja për më shumë qasje në hapësirat publike për qytetarët tonë, u fillua iniciativa për gjetjen e një lokacioni për rekreacion, mobilitet dhe shëndet më të mirë për banorët a komunës sonë.

Gjethi pas një pune mjaft intensive në kërkimin e lokacioni të radhës në konsultë direkte me Kompaninë KIVO Kaçanik si sponsor i këtij projekti e caktoi bashkarisht si vend ideal për një projekt të tillë lokacionin “Te Qami”. Deri më tani kemi bërë disa vizita studimore, takime online për projektin në fjalë dhe tani e kemi planin optimal mbrenda rrethanave dhe mjeteve të dedikuara për projekt. Kemi caktuar edhe një grup punëkryesish me përvojë në këtë lëmi duke u fokusuar në kapacitetet lokale.

Duhet theksuar se për vite të tëra KIVO në vazhdimësi ka përkrahur kauzën tonë për një mjedis më të mirë si në aspektin e punës vullnetare, kapaciteteve profesinale dhe financimit të shumë iniciaitivave dhe projekteve në të kaluarën si palë interesi me rëndësi të veqantë.

Ndërtimi i këtij parku përfshin rrafshimin e lokacionit në disa pika, zgjerimin e shtegut për ecje ku ka mundësi, vendosjen e një pike qendrore rekreative me ulëse dhe tavolina përreth, zhvillimin e disa pikave alternative për rekreacion mbernda pishave dhe në fund shenjëzimin e lokacionit për orientim më të lehtë.

Para fillimit të implementimit të projektit kemi marrë edhe pëlqimin nga institucionet lokale përkatëse në Komunën e Kaçanikut në bazë të procedurave në fuqi.

Në ditët në vijim ne do të ju njoftojmë përr rrjedhojën dhe progresin e projektit.