Adresa
Rr "Sali Bajra" Sh Kulturëss.
Kaçanik, KS 7100
Orari
e hënë - e premte: 9AM - 16PM
Vikend: nuk puonojmë
📊 Publikohen Raportet e “Punëtorisë Interaktive: Ambasadorët e Ujit” dhe “Auditimit të Ujit”
Kemi kënaqësinë të ndajmë me ju raportet zyrtare të aktiviteteve tona në Kaçanik dhe Ferizaj! Ky rrugëtim shndërroi mbi 150 nxënës në “Shkencëtarë Qytetarë”, të cilët përmes diskutimeve rreth menaxhimit të ujit dhe analizave kimike të lumit Nerodime dëshmuan se rinia është forca lëvizëse e mbrojtjes së mjedisit. Për më shumë, këto raporte pasqyrojnë një përkushtim të jashtëzakonshëm për të ardhmen e qëndrueshme të rajonit tonë.
Më poshtë gjeni detajet e plota dhe gjetjet e projektit “Acqua Ambassadors” në linqet e mëposhtme. Faleminderit nxënësve, stafit arsimor dhe partnerëve tanë që e bënë këtë mision të mundshëm! Bashkë po ndërtojmë një kulturë të re të kujdesit ndaj ujit. 
Ky projekt mbështetet nga Menaxhimi i Integruar i Resurseve Ujore në Kosovë (IWRM-K), Program i Agjencisë Zvicerane për Zhvillim dhe Bashkëpunim (SDC) dhe i Qeverisë së Kosovës, i implementuar nga SKAT (Zvicër) në konsorcim me Agjencinë e Mjedisit të Austrisë (EAA).
U publikua raporti i Punëtorisë "Nga koncepti në veprim - Iniciativë bashkëpunimit ndërkomunal për ujin!
U publikua raporti i Punëtorisë “Nga koncepti në veprim – Iniciativë bashkëpunimit ndërkomunal për ujin!
Menaxhimi i integruar i ujërave (IWRM) është themeli i qëndrueshmërisë mjedisore dhe zhvillimit socio-ekonomik për Komunat e Kaçanikut dhe Ferizajt. OMM Gjethi ka publikuar raportin e punëtorisë ndërkomunale në fjalë të organizuar si pjesë e projektit “Ambasadorët e Ujit”. Ky raport nxjerr në pah dialogun intensiv ndërmjet qeverisjes lokale, shoqërisë civile, të rinjve dhe partnerëve ndërkombëtarë , të gjithë të fokusuar në integrimin e IWRM-së dhe në përmirësimin e infrastrukturës së gjelbër. Punëtoria siguroi një kornizë fillestare bashkëpunimi dhe hodhi hapat e fillestar drejt rritjes së qëndrueshmërisë mjedisore në rajon.
Raporti ofron një përmbledhje të thelluar të sfidave rajonale të ujit në pellgun e Lepencit dhe përcakton objektiva të zbatueshme si përgatitja e një Letre Rekomandimi për politikat lokale dhe identifikimi i vendeve pilot për zhvillimin e infrastrukturës së gjelbër. Projekti Ambasadorët e Ujit do të vazhdojë duke angazhuar nxënësit e shkollave të mesme si kujdestarë aktivë dhe duke zbatuar përmirësime të efiçiencës së ujit në shkollat e përzgjedhura. Ju ftojmë ta shfletoni raportin e plotë (shqip dhe anglisht) në linkun më poshtë për të parë idetë e përbashkëta dhe hapat e ardhshëm. Kontributi juaj i vazhdueshëm është thelbësor!