Ndikimi i ndotjes mjedisore në shëndetin e njeriut

Më dt. 28 dhjetor 2023 në ora 1400 do të mbahet Diskutimi Publik me titull: “Ndikimi i ndotjes mjedisore në shëndetin e njeriut” me fokus në Ndotjen e Lumit Nerodime dhe në Lagjen e Qardakut në Kaçanik të Vjetër.

Ligjerues do të jetë Dr. Sinan Zeneli – Drejtor i QKMF-së në Kaçanik.

Ky diskutim publik do të jetë i hapur për qytetarë dhe mbahet në Sallën e Kuvendit Komunal në Kaçanik.

Aktivizmi qytetar me fokus mjedisin më të gjelbër e më të pastër është një iniciativë e cila është nisur me qëllimin e fuqizimit të qytetarëve dhe komuniteteve lokale për angazhimin e tyre dhe ngritjen në një nivel tjetër të njohurive për të drejtat e tyre. Kjo iniciativë tanimë ka filluar aktivitetin edhe ne komunën tonë në mesin e disa komunave të përzgjedhura për këtë çështje.

Deri më tani janë identifikuar dy probleme specifike në mesin e shumë problematikave që të nxiten angazhimet për ngritjen e çështjeve të banorëve të cilët kanë probleme madhore mjedisore. Problemi i cili ende mbetet prioritet i qytetarit tonë si dhe prioritet deri në zgjidhjen e tij është edhe ndotja e Lumit Nerodime. Si problem tjetër është edhe zhurma dhe pluhuri i cili i pengon banorët e Lagjës së Qardakut ne Kaçanik të vjetër. Ankesat e banorëve tanimë janë identifikuar dhe është bërë një përmbledhje e problematikës së operimit të një biznesi, i cili për momentin i pengon banorët dhe ja u ka vështirësuar jetën.

“Promovimi i aktivizimit të gjelbër në komunitet” është një projekt i cili në komunën e Kaçanikut implementohet nga OMM Gjethi, kurse financohet nga KDI dhe mbështetet nga Fondi i Kombeve të Bashkuara për Demokraci UNDEF FUND.

#undef

#Kosova Democratic Institute / Transparency International Kosova