Përfundon faza e dytë e projektit të parkut “Te Qami “

Në vapën e korrikut, por në freskinë e pishave , tek lokackioni “Te Qami” filloi implementimi i fazes së dytë të projektit “Parku i Qytetit te Qami”. Gjatë ditës së sotme me sukses u përfundua me entuziazëm dhe dinamikë të planifikuar kjo fazë kritike dhe e rëndësishme e projektit.

U pastrua shtegu për hiking dhe vrapim mbrenda parkut, u bë transportimi i materialit, personelit dhe materialeve të nevojshme, hapja e gropave për instalimin e ulseve unike te sapodizajnuara dhe tavolinave me ulëse tashmë një trademark original i OJQ-së sonë.

“Te Qami”, një lokacion ideal me potencial për përmirësimiin e gjendjes shëndetësore, gjindet në një lartësi mbidetare rreth 730 m dhe aty puqen tri klima që i japijn një gjendje unike dhe me potencial për shërimin e shumë sëmundjeve që edhe prezenca e pishave ia shton këto cilësi. Në si OJQ që për synim e kemi vetëm mirëqenien e qytetarit me projektet tona ndihemi krenar me këtë projekt unik.

Përveq elementeve që u përmendën më lart faza e parë ka përfshi ndërtimin e një platforme për rekreacion dhe piknik ku janë dy vende të ndërtuar me gurë vendor për flija dhe një skare optimale me një mur disa metërsh shumëfunksional ku funskioni është edhe muri që mund të shfrytëzohet për ulje dhe pushim.

I tërë projekti është angazhim i pashoq i gjethistëve, aktivistëve dhe profesionistëve të OJQ-së sonë.

Ky projekt i tëri financohet nga kompania vendore KIVO me seli në Kaçanik, partner afagjatë i OMM “GJethi” te cilet i falenderojme ne veçanti.